Евангелие на денот: Свето евангелие според светиот апостол Лука 11:9-13
| 9. | И Јас ви велам: сакајте и ќе ви се даде; барајте и ќе најдете; чукајте и ќе ви се отвори. |
| 10. | Зашто секој што сака – добива, и кој бара – наоѓа, и на оној што чука, ќе му се отвори. |
| 11. | И кој татко од вас, ако синот негов му побара леб, ќе му даде камен? Или ако побара риба, па да му даде змија место риба? |
| 12. | Или, ако побара јајце, да му даде скорпија? |
| 13. | И така, значи, ако вие, бидејќи лукави, умеете да давате добри дарови на чедата свои, колку повеќе небесниот Отец ќе им даде Дух Свети на оние, што Му бараат?” |
Апостол на денот: Прво послание на светиот апостол Павле до Солунјаните 2:1-8
| 1. | Вие сами знаете, браќа, дека нашето доаѓање при вас не беше залудо: |
| 2. | иако порано пострадавме и бевме поругани во Филипи, како што знаете, ние се ослободивме во нашиот Бог да ви Го проповедаме Божјото Евангелие со голем труд. |
| 3. | Зашто нашата утеха не произлегува ни од заблуда, ниту од нечисти побуди, ниту од лукавство. |
| 4. | Но, како што Бог нe удостои да ни Го повери Евангелието, така и зборуваме – не за да им угодуваме на луѓето, туку на Бога, Кој ги испитува срцата наши. |
| 5. | Оти никогаш со примамливи зборови не се однесовме кон вас – како што знаете; ниту со помисли за корист: Бог е сведок! |
| 6. | Ни човечка слава не баравме – било од вас, било од други: |
| 7. | иако можевме и да се јавиме со важност како Христови апостоли, но при сето тоа ние бевме среде вас благи, онака како што нежно се однесува доилката кон своите деца. |
| 8. | Така ве бевме засакале, што бевме готови да ви го предадеме не само Благовестието Божјо, туку и душите свои, зашто ни станавте драги. |
Поука на денот: Свети Теофан Затворник
Само немојте да мислите дека подвигот на молитвата е некоја тешка и замрсена работа. Кога е гладно, детето оди и ? вели на мајката: „Дај ми леб“. Му треба ли за тоа остроумност и спретност? Така е и со молитвата кон Бог. ...Доверувај Му ја секогаш својата потреба на Господ, во простотата на срцето.
