Александрискиот Патријарх ја посети Грција (30.05.2006)
известува: RNN
При својата посета на Грција, во четвртокот на 25.05.2006 година, Патријархот на Александрија Теодор оствари средба со Атинскиот Архиепископ Христодул. При оваа средба Александрискиот Патријарх го покани Архиепископот Христодул на осветување на патријаршиската резиденција во Каиро којашто неодамна беше реновирана. Тие исто така дискутираа за мисионерската дејност во Африка. Александрискиот Патријарх му се заблагодари на Поглаварот на Грчката Црква за помошта што ѝ ја пружа на Александриската Патријаршија.
