Патријархот Вартоломеј ќе ја посети Света Гора за празникот на манастирот Дионисијат
 
 
 
 
 

Патријархот Вартоломеј ќе ја посети Света Гора за празникот на манастирот Дионисијат (12.08.2008)

Цариградскиот патријарх Вартоломеј на 21 август ќе ја посети Света Гора, каде што веќе е сѐ подготвено за свеченостите по повод 500 години од успението на вториот ктитор на манастирот Дионисијат - свети Нифонт.

Патријархот ќе биде пречекан во Кареа, каде што ќе биде отслужен Молебен во присуство на игумените и претставниците на сите 20 светогорски манастири. За време на својот престој, Патријархот Вартоломеј ќе ги посети манастирите: на Апостол Павле, Ксиропотаму, Дионисијат, Григоријат и Симонопетра. Празнична Литургија ќе се отслужи на 24 август во манастирот Дионисијат. Потоа, ќе биде претставена книгата, посветена на животот и делото на свети Нифонт. Во дворот на манастирот ќе биде посадено маслиново дрво во спомен на посетата на Цариградскиот патријарх. 

 

                                                     

Извор: Romfea.gr