Грузискиот Патријарх предложил во школството да се воведе предмет„ Подготовка за семеен живот“
 
 
 
 
 

Грузискиот Патријарх предложил во школството да се воведе предмет„ Подготовка за семеен живот“ (02.07.2013 21:50)

Грузискиот патријарх Илија II настапи со нова иницијатива – во школскиот систем да се воведе нов предмет што новите поколенија ќе ги едуцира за семејниот живот, соопшти „Благовест-инфо“.

 

Ова  беше истакнато од патријархот за време на презентацијата на Фондот за демографска преродба. Тој го посочи демографскиот проблем во земјата и потенцира дека истиот може да се надмине:

 

„Грузија може да ги надмине овие проблеми со содејство и соработка од сите. Првото на што би сакал да обрнам внимание е ниската семејна култура на однесување. Ние сме должни да дејствуваме кон решавањето на овој проблем, со тоа што во школството би вовеле предмет – „ Подготовка за семеен живот“.

За време на презентацијата фондот одржа и голем хуманитарен концерт со учество на грузиските пејачи. Собраните средства ќе бидат распределени на многудетните семејства.

 

Треба да се напомене дека фондот на Грузискиот Патријарх ја финансира програмата за интелектуално и духовно развивање кај младината. Младите луѓе од 18 до 25 годишна возраст имаат можност бесплатно да се образуваат во следниве области: Христијанска психологија, архитектура и историја на Стариот и Новиот Завет, христијанско искуство и символика, традиционална религија и професионални односи.

 

 Извор: Православие ру