Охрид, Божествена Литургија (04.02.2006)
Неговото Високопреосвештенство, Митрополитот Дебарско-кичевски и Плаошко-струшки и администратор Повардарски г. Тимотеј, во сослужение на свештенослужители од епархиите, отслужи Божествена Литургија, по повод празнувањето на светиот апостол Тимотеј, чие име го носи.
Светата Литургија беше отслужена во манастирот на Свети Климент Охридски Чудотворец и на Свети великомаченик Пантелејмон на Плаошник во Охрид. На Литургијата свештенослужителите му го честитаа именденот на својот Владика, со молитвени желби Господ Исус Христос да го вмудрува Божјиот пастир во раководењето со својата паства, да му дарува крепко здравје и спасение. Свештенослужителите на крајот од Литургијата го благословија празничниот леб и го поделија со присутните верници, кои дојдоа на служба да Му заблагодарат на Бога и да му честитаат на својот Владика.
За многу години, Свет Владико!
