Излезе од печат новото издание на православното списание „Премин“ (22.09.2008)
Светлината на светот
Богородица е заедница помеѓу Бог и Човек.
Раѓајќи Го Бог, го раѓа Човекот.
Во светлината на Нејзината чистота се содржи тајната на љубовта заради која Бог го создал светот.
Во убавината на Нејзината личност е содржана причината заради која Бог Го даде Својот Единороден Син за спасението на светот.
На Богородица се чекаше илјадници години, за да дојде и да го покрие светот со тишината на Својата молитва и љубов кон Небесниот Отец.
Светлина од Која се роди Светлина за да му го покаже патот на човештвото. Љубов заради љубовта и заради Оној Кој Е.
Нема зборови и нема ум за да се изрази величенственоста на Онаа што стана почесна од херувимите и пославна од серафимите. Онаа што со еден двиг на срцето Му одговори на Бог: „Да, Господи, нека биде волјата Твоја!“
Затоа Нејзината душа е поширока од небесата, а нејзината пречиста утроба Светиња над светињите.
Дар што светот и човештвото Му го принесуваат на Бог, како што вели божикната молитва: небото Ти принесе ѕвезда; ангелите – песна; мудреците – дарови; пастирите – радоста своја; земјата – пештера; пустината – јасли... Ние луѓето – Мајката Дева...
Заради молитвите на Твојата Пресвета Мајка и Секогашдева Марија,
Господи Исусе Христе, помилуј нè!
сестра Макрина
Содржината на овој број на списанието „Премин“ e:
Содржина:
1. Уводник
2. За Пресвета Богородица
3. Пресвета Богородица во Црквата / ава Јустин Ќелиски
4. Репортажа: Манастир Горњак
5. Ни Јас не ви кажувам… / Митрополит Струмички Наум
6. За Исусовата молитва / Свети Теофан Затворник
7. Старец Харалампиј Дионисијатски / Писмо до духовното чедо
8. Светоотечка ризница
9. Премин Галерија
10. Зборник на текстови „Црквата и медицината“
11. За мозаикот, или: во делот да се созерца целината / Венко Андоновски
12. Романското влијание во македонското црковно пеење / д-р Јане Коџабашија
13. Возобновени храмови / Јанко Илковски
14. Горан Величковски
15. Вулгаризација на тема веронаука / д-р Драган Михајловиќ
16. Вести од православниот свет
17. Празници на Пресвета Богородица
Списанието „Премин“ во овој број подарува CD од фестивалот по источно црковно-пеење „Денови на Јустинијан Први 2008“, избор од завршниот концерт, во продукција на ПРЕМИНПОРТАЛ (www.preminportal.com.mk).
