Vesti i nastani
 
 
 
 
 

Божествена Литургија во манастирот на св. Наум Охридски на Попова Шапка (05.07.2014 12:05)

На 03. 07. 2014, денот кога Црквата го слави споменот на преподобниот чудотворец и отец наш Наум Охридски, во манастирот „Св. Наум Охридски“ на Попова Шапка се отслужи Архијерејска Божествена Литургија на која чиноначалствуваше Неговото Блаженство, Архиепископот Охридски и Македонски г.г. Стефан, во сослужение на Митрополитот Кумановско-осоговски г. д-р Јосиф и надлежниот митрополит Тетовско-гостиварски г. Јосиф, деканот на Богословскиот факултет „Св. Климент Охридски“, протојереј-ставрофор д-р Ацо Гиревски, игуменот Агатон, јеромонахот Доситеј од Бигорскиот манастир, парохискиот свештеник Жарко Мицковски и протоѓаконот Антонио Дујовски. На Литургијата празнично слово произнесе Неговото Блаженство, Архиепископот Стефан, преку кое нè потсети на животот, делото и мисијата на светиот Наум.

На Литургија присуствуваше многуброен народ од нашата татковина, како и пратениците од Собранието на Република Македонија, г-ѓа Светлана Карапетрова од Тетово и г. Сашо Аќимовски од Гостивар. Црковниот Одбор на овој духовен бисер на Тетовско-гостиварската епархија, со многу љубов и почит ги пречека сите поклоници на манастирот и приреди трпеза на љубовта.

 

     

 

    

 

     

Извор: Тетовско-гостиварска епархија