МПЦ и СПЦ на заедничка литургија во Белград (19.05.2022 06:50)
Во Белград, денес, како што најави Соборот на Српската Православна Црква (СПЦ), ќе се одржи првата литургија заедно со Македонската Православна Црква (МПЦ). Светиот Синод на МПЦ, вчера, на вонредна седница ја прифати поканата од СПЦ и соопшти дека на литургијата на која ќе биде и Српскиот патријарх Порфириј ќе учествуваат поглаварот на МПЦ г.г. Стефан и тројцата највозрасни митрополити – Митрополитот Преспанско-пелагониски г. Петар, Митрополитот Дебарско-кичевски г. Тимотеј, Митрополитот Струмички г. Наум, како и викарниот епископ Хераклејски г. Климент. Во соопштението на СПЦ оваа литургија е наречена „помирување“.
